გურამ მაჭარაშვილი კირცხალიას წერილზე: თურმე საქართველოს ოკუპირება არაფერია და უკრაინაში რომ შეიჭრა რუსეთი, მაშინ უკვე საჭიროა ანტირუსული პროპაგანდა
თურმე საქართველოს ოკუპირება არაფერია და უკრაინაში რომ შეიჭრა რუსეთი, მაშინ უკვე საჭიროა ანტირუსული პროპაგანდა, - ასე გამოეხმაურა პარტია „ხალხის ძალის“ აღმასრულებელი მდივანი გურამ მაჭარაშვილი ირაკლი კირცხალიას წერილს.
მისი თქმით, სწორედ ისაა უსამშობლობა, როცა საკუთარი სამშობლო არაფრად გიღირს და სხვა ქვეყნის ინტერესებისთვის, რადგან შენი პატრონები უცხოეთიდან გეუბნებიან, რუსეთი უნდა გამოაცხადო ტერორისტულ სახელმწიფოდ.
„თურმე საქართველოს ოკუპირება არაფერია და უკრაინაში რომ შეიჭრა რუსეთი, მაშინ უკვე საჭიროა ანტირუსული პროპაგანდა. საქართველო არა უშავს, მთლიანადაც რომ ოკუპირებული ყოფილიყო, რა მოხდა მერე, რუს ტურისტებს საზღვარზეც უნდა დახვდე, ეკონომიკაში ინვესტიციები განვახორციელებინოთ. აი, ეს არის ზუსტად, როცა ვამბობთ უსამშობლობას, რომ საკუთარი სამშობლო არაფრად გიღირს და სხვა ქვეყნის ინტერესებისთვის, იმიტომ, რომ შენი პატრონები უცხოეთიდან გეუბნებიან, რუსეთი უნდა გამოაცხადო ტერორისტულ სახელმწიფოდ. ამ ტერორისტულ სახელმწიფოსთან დღეს ეკონომიკური ურთიერთობები აქვს ევროპას და ევროკავშირს. ამას როგორ მონათლავენ ძალიან მაინტერესებს", - აღნიშნა მაჭარაშვილმა.
ირაკლი კირცხალია: პროფესიის მიუხედავად, ჩვენს ქვეყანაში გარე ინტერესებს არაერთი ადამიანი ემსახურება. ამის საუკეთესო მაგალითი კი კონკრეტული იმ ე.წ. კულტურის მოღვაწეების ვრცელი სიაა, რომლებიც 2008-2022 წლებში რუსეთში საქმიანობას არ ერიდებოდნენ, თუმცა, უკრაინაში ომის დაწყებიდან დღემდე, მათი რიტორიკა განსაკუთრებით ანტირუსული გახდა
იმედი
წყარო: imedinews.ge