ჩვენ არასდროს შევეგუებით რუსეთის მიერ საქართველოსა და უკრაინის ტერიტორიის უკანონო ოკუპაციას - სიბიჰა

უკრაინის საგარეო საქმეთა მინისტრი ანდრეი სიბიჰა აგვისტოს ომის წლისთავს ეხმაურება. სიბიჰა X-ზე წერს, რომ 2008 წლის აგრესიამ და საქართველოს ტერიტორიის ოკუპაციამ, ისევე როგორც მცოცავმა ანექსიამ, პირდაპირ გაუკაფა გზა რუსეთის ახლა უკრაინაში დაეწყო ომი.

"თვრამეტი წლის წინ რუსული ძალები სუვერენულ საქართველოში შეიჭრნენ და მოსკოვის იმპერიული პოლიტიკის ფარგლებში, რომელიც სხვა ერებისა და ხალხების დამორჩილებისკენ არის მიმართული, საერთაშორისო სამართალი დაარღვიეს,

2008 წლის აგრესიამ და საქართველოს მიწების ოკუპაციამ, ისევე როგორც მცოცავმა ანექსიამ გაუკაფა გზა რუსეთის აგრესიას უკრაინის წინააღმდეგ.

უკრაინა მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. ჩვენ არასდროს შევეგუებით რუსეთის მიერ საქართველოსა და უკრაინის ტერიტორიის უკანონო ოკუპაციას და არც „რუსულ სამყაროს“, რომელსაც ყველგან, სადაც კი აღწევს მხოლოდ ნგრევა, სიღარიბე და ადამიანის უფლებების დარღვევა მოაქვს.

ჩვენ მოვუწოდებთ საერთაშორისო საზოგადოებას, გააძლიეროს ზეწოლა მოსკოვზე, დააწესოს მკაცრი სანქციები და უზრუნველყოს სრული პასუხისმგებლობა რუსულ დანაშაულებზე. ხანგრძლივი ევროპული მშვიდობა მოითხოვს რუსული ჯარების სრულ გაყვანას და საერთაშორისო სამართლის სრულად აღდგენას", - წერს X-ზე უკრაინის საგარეო საქმეთა მინისტრი.