ჰერმან საბო: ევროკავშირში ძალიან ბევრი პრობლემაა

ევროკავშირში ძალიან ბევრი პრობლემაა, - განაცხადა გადაცემაში “ღია ეთერი - დებატები” პარტია “გირჩის” წარმომადგენელმა ჰერმან საბომ.

მისივე თქმით, სამოთხე არსად არ არის, მაგრამ ნეიტრალიტეტი არ არის თავისი შინაარსით მიზანი, ნეიტრალიტეტი არის საშუალება, რომ რაღაც სიტუაციაში ქვეყანა გადარჩეს.

“ბუნებაში გადარჩენის სულ რამდენიმე გზა არსებობს. ერთი არის, რომ შენ ისეთი ძლიერი ხარ, რომ თავს ვერავინ გესხმის. მეორე არის, რომ ისეთი ბუნებრივი მახასიათებელი გაქვს, რომ შენზე თავდასხმა ძალიან ძვირია ან უბრალოდ მტაცებელი არ გყავს. მესამეა, როცა პატარები ხართ, მაგრამ ერთად ხართ და ამის გამო გადარჩებით. მეოთხეა, როდესაც თავს იმკვდარუნებ, ოღონდ არავინ შემამჩნიოს, ჯარი არ გყავდეს წესიერი, არანაირი ინსტიტუციური დამოუკიდებლობა და აღმშენებლობა არ გქონდეს. ჩვენი ინტერესები დღეს ემთხვევა ევროკავშირს ძალიან ბევრი მიმართულებით. ერთი გზა არის, რომ ვნახოთ ქვეყნები და მათთან საერთო ვიპოვოთ, მეორე გზა არის, ვიყოთ ჩვეულებრივი “წერპილა” - სლენგია ასეთი, რუსული სიტყვა, რუსული სიტყვის თქმა არ შეიძლება?”, - განაცხადა ჰერმან საბომ.