ირაკლი კირცხალია: სათვალავი აგვერია მერამდენე ალიანსი, მერამდენე ფანჩატური და მერამდენე სეზონის მერამდენე სერიაა, სანამ დავალებას მიიღებენ ქვეყნის გარედან. ერთმანეთის ჭამის სერიას აყურებინებენ ჩვენს საზოგადოებას

ნაკლებად მნიშვნელოვანია ჩვენი საზოგადოებისთვის მელიამ რა თქვა სააკაშვილზე, გვარამიამ რა იფიქრა და სააკაშვილმა რა შემოუთვალა ჩერგოლეიშვილს, - განუცხადა ჟურნალისტებს „ქართული ოცნების“ გორგასლის ოფისში საპარლამენტო უმრავლესობის სხდომის დასრულების შემდეგ საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ, ირაკლი კირცხალიამ.

ჟურნალისტმა ჰკითხა, რას ფიქრობს ოპოზიციურ ალიანსში მიმდინარე პროცესზე.

„სათვალავი აგვერია მერამდენე ალიანსი, მერამდენე ფანჩატური და მერამდენე სეზონის მერამდენე სერიაა, სანამ დავალებას მიიღებენ ქვეყნის გარედან. ერთმანეთის ჭამის სერიას აყურებინებენ ჩვენს საზოგადოებას. ნაკლებად მნიშვნელოვანია ჩვენი საზოგადოებისთვის მელიამ რა თქვა სააკაშვილზე, გვარამიამ რა იფიქრა და სააკაშვილმა რა შემოუთვალა ჩერგოლეიშვილს. როდესაც მოაკლდებათ საწვავი გარედან, მერე გვთავაზობენ ერთმანეთის ჭამის სერიალებს, რომ როგორმე შეავსონ საინფორმაციო ბადე, თავიანთ აგენტურულ ტელევიზიებში“, - აღნიშნა კირცხალიამ.