ირაკლი კობახიძე ჩენდლერის ინსტიტუტის რეიტინგებზე: ყველა მიმართულებით საქართველო არის მოწინავე და ჩვენ ვუსწრებთ არა მხოლოდ კანდიდატ ქვეყნებს, არამედ ევროკავშირის არაერთ ქვეყანას ყველა პარამეტრით, რაც დაკავშირებულია ქვეყნის ეკონომიკურ პროგრესთან

ყველა მიმართულებით საქართველო არის მოწინავე და ჩვენ ვუსწრებთ არა მხოლოდ კანდიდატ ქვეყნებს, არამედ ევროკავშირის არაერთ ქვეყანას ყველა პარამეტრით, რაც დაკავშირებულია ქვეყნის ეკონომიკურ პროგრესთან, - განაცხადა ჟურნალისტებთან პრემიერ-მინისტრმა, პარტია „ქართული ოცნების" თავმჯდომარემ ირაკლი კობახიძემ ჩენდლერის ინსტიტუტის კვლევაზე საუბრისას, რომლის თანახმადაც, საქართველო კერძო სექტორის მხარდაჭერის მიმართულებით ევროპის საუკეთესო ოცეულშია.

პრემიერის თქმით, რეიტინგი აბსოლუტურად ლოგიკურია.

„თქვენ იცით, რომ ჩვენ გვაქვს მაქსიმალურად ჯანსაღი ეკონომიკური პოლიტიკა. ამის ნაწილია დამოკიდებულება კერძო სექტორის მიმართ. ყველა მიმართულებით საქართველო არის მოწინავე და ჩვენ ვუსწრებთ არა მხოლოდ კანდიდატ ქვეყნებს, არამედ ევროკავშირის არაერთ ქვეყანას ყველა პარამეტრით, რაც დაკავშირებულია ქვეყნის ეკონომიკურ პროგრესთან. აქედან გამომდინარე, ეს რეიტინგი არის აბსოლუტურად ლოგიკური“, - აღნიშნა პრემიერმა.

ჩენდლერის ინსტიტუტი კარგი მთავრობის 2026 წლის ანგარიშის ფარგლებში, მარეგულირებელი მმართველობის ( Regulatory Governance ) რეიტინგს აქვეყნებს. კვლევის თანახმად, კერძო სექტორის განმავითარებელი მმართველობით საქართველოს მთავრობა ევროპის საუკეთესო ოცეულშია.