ირაკლი მეზურნიშვილი: მონტენეგრო ისევე, როგორც საქართველო არის კანდიდატი ქვეყანა. ამიტომ, საინტერესოა იმ გამოცდილების გაზიარება, თუ რა გამოცდილება აქვს ამ რთულ პროცესში

„მონტენეგრო ისევე, როგორც საქართველო არის კანდიდატი ქვეყანა. ამიტომ, საინტერესოა იმ გამოცდილების გაზიარება, თუ რა გამოცდილება აქვს ამ რთულ პროცესში“, - განუცხადა ეკონომიკური პოლიტიკის საპარლამენტო კომიტეტის თავმჯდომარის პირველმა მოადგილე ირაკლი მეზურნიშვილმა მონტენეგროში ქართველ ჟურნალისტებს.

მეზურნიშვილის თქმით, დღეს შეხვედრა ექნებათ მასპინძელი ქვეყნის პარლამენტის თავმჯდომარესთან.

„გრძელდება ევროპელი სპიკერების სამიტი ქალაქ ბუდვაში. დღეს ძალიან საინტერესო დღე გველის. გვექნება შეხვედრა მასპინძელი ქვეყნის პარლამენტის თავმჯდომარესთან. მოგეხსენებათ ასევე, რომ მონტენეგრო ისევე, როგორც საქართველო არის კანდიდატი ქვეყანა. ამიტომ, საინტერესოა იმ გამოცდილების გაზიარება, თუ რა გამოცდილება აქვს ამ ქვეყანას ამ რთულ პროცესში. დარწმუნებული ვარ, ზოგადად ეს ფორმატი ძალიან ეფექტიანი იქნება ჩვენი ქვეყნისთვის, რათა მაქსიმალურად დავიცვათ ჩვენი ეროვნული ინტერესები“, - აღნიშნა მან.

საქართველოს დელეგაცია, შალვა პაპუაშვილის ხელმძღვანელობით, მონტენეგროშია და მონაწილეობას მიიღებს ხმელთაშუა ზღვის საპარლამენტო ასამბლეის წევრი და პარტნიორი ქვეყნების პარლამენტების თავმჯდომარეების რიგით პირველ სამიტში, რომელიც დღეს იხსნება. დაგეგმილია სიტყვით მიმართვა და ორმხრივი შეხვედრები, მათ შორის ნატოს, ევროკავშირის წევრი და კანდიდატი ქვეყნების წარმომადგენლებთან.