ირაკლი ქადაგიშვილი ევრობიუროკრატებზე: თუ ევროპა შეცვლის საქართველოს მიმართ დამოკიდებულებას, მათ კარგად იციან, ვინ არის ევროკავშირის წევრობის კანდიდატებში ლიდერი
საქართველოსთან მიმართებით ისინი, თავიანთი შიშველი პოლიტიკიდან გამომდინარე, ჯერჯერობით პოზიციის კორექტირებას და შეცვლას ვერ ახერხებენ, - განაცხადა რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ ირაკლი ქადაგიშვილმა ევრობიუროკრატების პოზიციაზე საუბრისას.
მისი თქმით, თუ ევროპა შეცვლის საქართველოს მიმართ დამოკიდებულებას, მათ კარგად იციან, ვინ არის ევროკავშირის წევრობის კანდიდატებში ლიდერი.
„ეს არის ერთგვარი პოლიტიკური მანევრები, ვიდრე რეალური მოლაპარაკებების დაწყება, იმიტომ, რომ იქ რაზეც არის საუბარი, ეს არის დონე, რომელიც უნდა დაკმაყოფილდეს ქვეყნის მიერ, როდესაც ის განაცხადისთვის ემზადება ევროკავშირის წევრობასთან დაკავშირებით. საქართველოსთან მიმართებით ისინი ჯერჯერობით ვერ ახერხებენ თავიანთი შიშველი პოლიტიკიდან გამომდინარე პოზიციის კორექტირებას და შეცვლას. თუ მოახერხებენ ამას, რა თქმა უნდა ლიდერი, ვინ არის, მათ შორის ბალკანეთის ქვეყნებთან მიმართებითაც, მათ ყველაზე კარგად იციან", - აღნიშნა ქადაგიშვილმა.
იმედი
წყარო: imedinews.ge