ირაკლი ქადაგიშვილი ოპოზიციის მიერ რუსეთ-საქართველოს ომის დაწყების თარიღად 7 აგვისტოს გამოცხადებაზე: ასეთი მიდგომებით, პირველ რიგში თავიანთი დანაშაულებრივი პოლიტიკის მიჩქმალვა და გამართლება უნდათ

მუდმივად ასეთი მიდგომებით, პირველ რიგში თავიანთი დანაშაულებრივი პოლიტიკის მიჩქმალვა და გამართლება უნდათ, - განაცხადა პარლამენტის რეგიონული პოლიტიკისა და თვითმმართველობის კომიტეტის თავმჯდომარე, ირაკლი ქადაგიშვილმა. მან კომენტარი გააკეთა ოპოზიციის მიერ რუსეთ-საქართველოს ომის დაწყების თარიღად 7 აგვისტოს გამოცხადებასთან დაკავშირებით.

„მეორე მხრივ, საზოგადოებაში ყველა თარიღთან დაკავშირებით უნდა იყოს გაყოფა, საზოგადოება არ უნდა იყოს ერთ აზრზე. მუდმივად ამ დაპირისპირების, მანიპულაციის და ხელოვნურად შექმნილი გაყალბებული ისტორიის ჩამოყალიბების მცდელობაში არიან“, - აღნიშნა ქადაგიშვილმა.

„ნაციონალური მოძრაობამ“, რომელიც 2013 წლის ჩათვლით, აგვისტოს ომის წლისთავს 8 აგვისტოს აღნიშნავდა, ხელისუფლების ცვლილების შემდეგ თარიღი 7 აგვისტოთი შეცვალა. არსებობს მიხეილ სააკაშვილის ბრძანებულება, რომელიც 9 აგვისტოთი თარიღდება, სადაც წერია, რომ როკის გვირაბის გავლით საქართველოში რუსეთის ფედერაციის ასეულობით სამხედრო პირი და სამხედრო ტექნიკა სწორედ 8 აგვისტოს შემოვიდა.