ირაკლი ზარქუა: აგვისტოს ომის დროს დასავლეთს არ აწყობდა, რომ რუსეთის წინააღმდეგ ვინმეს რამე განცხადებები გაეკეთებინა. უკრაინის ომის მერე მწვანე აქვთ იმაზე, რომ რუსეთს წინააღმდეგ გაილაშქრონ და ყველანაირი პროვოკაცია მოაწყონ

აგვისტოს ომის დროს დასავლეთს არ აწყობდა, რომ რუსეთის წინააღმდეგ ვინმეს რამე განცხადებები გაეკეთებინა. უკრაინის ომის მერე მწვანე აქვთ იმაზე, რომ რუსეთის წინააღმდეგ გაილაშქრონ და ყველანაირი პროვოკაცია მოაწყონ, - განაცხადა პარლამენტის დიასპორის კომიტეტის თავმჯდომარემ ირაკლი ზარქუამ.

მისი თქმით, რადიკალების პოზიცია ამტკიცებს, რომ მაშინაც უცხო ქვეყნის დაკვეთით მოქმედებდნენ და ახლაც.

„შენ რომ დაგესხა თავს, გაგანადგურა, წაგართვა ყველაფერი, დაგიხოცა ხალხი, მაშინ, ეს განწყობა არ გქონია და პირიქით, ეპატიჟებოდი. უკრაინის ომის შემდეგ რა ჰქვია ამას?! ამას ჰქვია ერთადერთი, რომ უცხო ქვეყნის დაკვეთით მოქმედებდნენ მაშინაც და ახლაც. მაშინ დასავლეთს არ აწყობდა, რომ რუსეთის წინააღმდეგ ვინმეს აქ განცხადებები გაეკეთებინა. ესენი ხომ დაფინანსებული ჰყავდათ და რა განცხადებაც უნდოდათ იმას გააკეთებინებდნენ. უკრაინის ომის მერე მწვანე აქვს იმაზე, რომ რუსეთის წინააღმდეგ გაილაშქრონ და ყველანაირი პროვოკაცია მოაწყონ და ამიტომ არიან, რომ უკრაინელი პატრიოტები გახდნენ", - აღნიშნა ზარქუამ.