ირანი აცხადებს, რომ აშშ-თან შეტყობინებების გაცვლას პაკისტანის მეშვეობით აგრძელებს
იმედი|imedinews.ge
ირანის საგარეო საქმეთა სამინისტროს სპიკერის განცხადებით, თეირანის 14-პუნქტიან წინადადებაზე დაყრდნობით, ირანსა და ამერიკის შეერთებულ შტატებს შორის შეტყობინებების გაცვლა გრძელდება, რის ხელშესაწყობადაც ირანში პაკისტანის შინაგან საქმეთა მინისტრი იმყოფება.
ესმაილ ბაღაიმ სახელმწიფო ტელევიზიასთან საუბარში ასევე აღნიშნა, რომ ირანი ომანთან ერთად ცდილობს შეიმუშაოს მექანიზმი, რომელიც ჰორმუზის სრუტეში მდგრად უსაფრთხოებას უზრუნველყოფს.
მისივე თქმით, ირანი მზად არის სხვა სანაპირო სახელმწიფოებთან თანამშრომლობით შეიმუშაოს უსაფრთხო ნაოსნობის პროტოკოლები, თუმცა დამატებითი დეტალები არ დაუკონკრეტებია.
გაზიარება:
იმედი
წყარო: imedinews.ge