ირანის პრეზიდენტის განცხადებით, „საუკეთესო გამოსავალი“ ომის ახლავე დასრულება იქნებოდა, ვიდრე თეირანი ძლიერ პოზიციას ინარჩუნებს

ირანის პრეზიდენტის, მასუდ პეზეშკიანის განცხადებით, „საუკეთესო გამოსავალი“ ომის ახლავე დასრულება იქნებოდა, ვიდრე თეირანი ძლიერ პოზიციას ინარჩუნებს.

„უმჯობესია საბრძოლო მოქმედებები დღესვე შეწყდეს, სანამ ძალთა ბალანსი და ღირსება ჩვენს მხარესაა“, — ციტირებენ პეზეშკიანს ირანული საინფორმაციო სააგენტოები Mizan და ISNA.

პრეზიდენტის ეს ინიციატივა იმ ფონზე გაჟღერდა, როდესაც ირანის გენერალური შტაბის უფროსმა განაცხადა, რომ ნებისმიერ „ახალ მუქარას“ თეირანი „სავალალო“ პასუხს გასცემს.

პარალელურად, ნახევრად ოფიციალური მედიის ცნობით, „ისლამური რევოლუციის გუშაგთა კორპუსი“ ომის განახლების შემთხვევაში უფრო „დამანგრეველი“ შეიარაღების გამოყენებით იმუქრება - მას შემდეგ, რაც აშშ-ის პრეზიდენტმა, დონალდ ტრამპმა ირანთან დიალოგის შეჩერება გამოაცხადა.