ირანის საგარეო საქმეთა მინისტრმა ფრანგ და იტალიელ კოლეგებთან სატელეფონო საუბრისას განაცხადა, რომ ირანის მიზანი ვითარების დეესკალაციაა

ირანის საგარეო საქმეთა მინისტრმა აბას არაღჩიმ ფრანგ და იტალიელ კოლეგებთან სატელეფონო საუბრისას განაცხადა, რომ ირანის მიზანი ვითარების დეესკალაციაა.

ამასთან, მან განაცხადა, რომ ირანის პოზიციით, ბირთვული პროგრამა მშვიდობიან ხასიათს ატარებს და გააკრიტიკა ევროპის ქვეყნების მიდგომა ამ საკითხზე. აბას არაღჩის თქმით, მათი საქციელი კონსტრუქციული არ არის.

სატელეფონო საუბრის შესახებ სოციალურ ქსელში დაწერა იტალიის საგარეო საქმეთა მინისტრმა, ანტონიო ტაიანიმ. მან აღნიშნა, რომ იტალიის მთავრობა შეშფოთებულია რეგიონში მზარდი დაძაბულობით და საჭიროა ცეცხლის შეწყვეტის შეთანხმებაზე მუშაობის გაძლიერება და ჰორმუზის სრუტის გახსნა.

იტალიის საგარეო საქმეთა მინისტრმა ირანის ბირთვულ პროგრამასთან დაკავშირებით აღნიშნა, რომ მისი სამხედრო მიზნებით განვითარება მიუღებელია.