ირანმა აშშ ცეცხლის შეწყვეტის შეთანხმების უხეშ დარღვევაში დაადანაშაულა

ირანმა აშშ ცეცხლის შეწყვეტის შეთანხმების „უხეშ“ დარღვევაში დაადანაშაულა და ისლამური რესპუბლიკის დაცვის პირობა დადო მას შემდეგ, რაც ამერიკულმა ძალებმა ირანულ სარაკეტო გამშვებებსა და კატარღებზე საჰაერო დარტყმები განახორციელეს.

ირანის საგარეო საქმეთა სამინისტრომ განაცხადა, რომ თეირანი არცერთ ბოროტ განზრახვას უპასუხოდ არ დატოვებს.

დაძაბულობის ესკალაციის მიუხედავად, კვლავ გრძელდებოდა კულუარული მოლაპარაკებები იმ შეთანხმების საბოლოოდ მისაღწევად, რომელიც ითვალისწინებს ცეცხლის შეწყვეტის რეჟიმის 60 დღით გახანგრძლივებას, ჰორმუზის სრუტის ხელახლა გახსნას და საფუძვლის ჩაყრას ირანის ბირთვული პროგრამის შესახებ მოლაპარაკებებისთვის.

ირანის მთავარი მომლაპარაკებლები, მოჰამედ ბაღერ გალიბაფი, პარლამენტის გავლენიანი სპიკერი, და საგარეო საქმეთა მინისტრი აბას არაღჩი, თეირანში სამშაბათს გვიან ღამით დაბრუნდნენ, კატარელ შუამავლებთან დოჰაში გამართული ორდღიანი მოლაპარაკებების შემდეგ.