ისრაელის საგარეო საქმეთა მინისტრი ბოჭორიშვილს: დამოუკიდებლობის დღის აღნიშვნასთან დაკავშირებით, ისრაელის სახელმწიფოს მთავრობისა და ხალხის სახელით, გიგზავნით გულთბილ მილოცვას პირადად თქვენ და ქართველ ხალხს
ისრაელის საგარეო საქმეთა მინისტრი გიდეონ საარი საქართველოს დამოუკიდებლობის დღეს ულოცავს. მილოცვის წერილი თბილისში საქართველოს საგარეო საქმეთა მინისტრის, მაკა ბოჭორიშვილის სახელზე გამოიგზავნა.
„თქვენო აღმატებულებავ, დამოუკიდებლობის დღის აღნიშვნასთან დაკავშირებით, ისრაელის სახელმწიფოს მთავრობისა და ხალხის სახელით, გიგზავნით გულთბილ მილოცვას პირადად თქვენ და ქართველ ხალხს. ისრაელსა და საქართველოს ორ ათასწლეულზე მეტი ხნის მეგობრობა აკავშირებთ, რომელიც ურთიერთპატივისცემაზე, ჰარმონიასა და ნაყოფიერ თანამშრომლობაზეა დაფუძნებული. ჩვენი ორმხრივი ურთიერთობები, რომელთა ფესვები ჩვენი ქვეყნებისა და ერების ღრმა ისტორიულ კავშირებშია საძიებელი, ბოლო წლებში წარმატებით ვითარდება მთელ რიგ სფეროებში, სოფლის მეურნეობის, ტურიზმის, კულტურისა და ტექნოლოგიების ჩათვლით. ისრაელი მზადაა კიდევ უფრო გააღრმაოს ჩვენი ურთიერთობები და გააფართოოს თანამშრომლობა ყველა სფეროში. თქვენო აღმატებულებავ, გთხოვთ, მიიღოთ ჩემი საუკეთესო სურვილები საქართველოს კეთილდღეობისთვის და თქვენდამი ჩემი ღრმა პატივისცემა“, - აღნიშნულია ისრაელის საგარეო უწყების ხელმძღვანელის მილოცვაში.
იმედი
წყარო: imedinews.ge