ისრაელის საგარეო საქმეთა სამინისტროს განცხადებით, უკრაინამ მოპარული მარცვლეულის შესახებ მტკიცებულებები ვერ წარმოადგინა

ისრაელის საგარეო საქმეთა სამინისტროს განცხადებით, უკრაინულმა მხარემ ვერ წარმოადგინა მტკიცებულებები იმის შესახებ, რომ გემი, რომელიც ისრაელის პორტში უნდა შესულიყო, უკრაინის ოკუპირებული ტერიტორიებიდან მოპარული ხორბლით იყო დატვირთული.

„უკრაინამ 28 აპრილს, საღამოს სამართლებრივი დახმარების შესახებ თხოვნით მოგვმართა, თუმცა მიმართვაში არსებითი, ფაქტობრივი უზუსტობები იყო და ის მტკიცებულებებს არ შეიცავდა. ისრაელის პოლიციამ უკრაინის პროკურატურას მიმართა თხოვნით, მოეწოდებინა დამატებითი ინფორმაცია და მტკიცებულებები, როგორც ამას ისრაელის კანონმდებლობა ითხოვს. ამასთან ერთად, ჩვენთვის ცნობილი გახდა, რომ გემმა რომელიც მომავალ კვირას პორტში უნდა შემოსულიყო, ისრაელის ტერიტორიული წყლები დატოვა. ისრაელი კანონის უზენაესობას იცავს და ხელისუფლება ყოველთვის იმოქმედებს კანონის შესაბამისად“, - აღნიშნულია განცხადებაში.

ცნობისთვის, 27 აპრილს უკრაინის საგარეო საქმეთა მინისტრმა, ანდრეი სიბიგამ განაცხადა, რომ ისრაელის პორტში შესასვლელად ემზადება გემი, რომელიც რუსეთის მიერ უკრაინის ოკუპირებული ტერიტორიებიდან მოპარული მარცვლეულით არის დატვირთული. სიბიგას მისმა ისრაელელმა კოლეგამ, გიდეონ საარმა უპასუხა და აღნიშნა, რომ უკრაინულ მხარეს აღნიშნული ბრალის დამადასტურებელი მტკიცებულებები არ წარუდგენია.

The Ukrainian request for legal assistance, submitted on Tuesday night, April 28, contained significant factual gaps and did not include any supporting evidence. The Israel Police reached out to the Ukrainian Prosecution with a request to provide additional information and… — Israel Foreign Ministry (@IsraelMFA) April 30, 2026