იტალიის მოთხოვნის შემდეგ, ევროკავშირი ისრაელის უსაფრთხოების მინისტრის დასანქცირების საკითხს განიხილავს
იმედი|imedinews.ge
საფრანგეთმა ისრაელის ეროვნული უსაფრთხოების მინისტრს იტამარ ბენ-გვირს ქვეყანაში შესვლა აუკრძალა. ამ ნაბიჯით ის შეუერთდა იმ ევროპული ქვეყნების მზარდ რაოდენობას, რომლებმაც ისრაელის მხრიდან „გლობალური სუმუდის ფლოტილიის“ აქტივისტების მიმართ სავარაუდო სასტიკი მოპყრობა დაგმეს.
ევროპელმა ლიდერებმა მინისტრი ისრაელის მიერ ღაზისკენ მიმავალ გემებზე დაკავებული აქტივისტების ღირსების შელახვაში დაადანაშაულეს.
იტალიამ ასევე ოფიციალურად სთხოვა ევროკავშირს ბენ-გვირის წინააღმდეგ სანქციების დაწესების საკითხის განხილვა. ამ მოთხოვნას მხარი დაუჭირეს საფრანგეთმა, ირლანდიამ, ესპანეთმა და ევროპის კიდევ რამდენიმე ქვეყანამ.
სანქციების დაწესების შესაძლებლობას 15 ივნისს, ევროკავშირის საგარეო საქმეთა საბჭოს მომავალ სხდომაზე განიხილავენ.
გაზიარება:
იმედი
წყარო: imedinews.ge