ჯაშუშობის ბრალდებით დაკავებულ გულბაათ რცხილაძეს და ირაკლი ჩიხლაძეს ბრალს სავარაუდოდ დღეს წარუდგენენ
ჯაშუშობის ბრალდებით დაკავებულ გულბაათ რცხილაძეს ოფიციალურად დღეს უნდა წარუდგინონ ბრალი. ევრაზიის ინსტიტუტის დამფუძნებელი, სახელმწიფო უსაფრთხოების სამსახურის ინფორმაციით, ორი უცხო ქვეყნის სპეცსამსახურებისთვის მუშაობდა და მათ გადასცემდა სადაზვერვო ინფორმაციას. უწყების ინფორმაციით, რცხილაძე უცხოური დაფინანსებით არაერთ აქტივობას გეგმავდა და ახორციელებდა საქართველოს მასშტაბით. შექმნილი ჰქონდა საინფორმაციო პლატფორმაც.
ბრალის წარდგენის მოლოდინშია ჯაშუშობის ბრალდებით კიდევ ერთი დაკავებული, სამოქალაქო მოსმენების კავკასიური ცენტრის დამფუძნებელი და ხელმძღვანელი ირაკლი ჩიხლაძე, რომელიც სუს-ის ინფორმაციით, ონლაინ პლატფორმის საფარქვეშ უცხო ქვეყნის დავალებების შესაბამისად მართავდა სადაზვერვო ქსელს, ასევე კოორდინაციას უწევდა მათ საქმიანობასაც. გამოძიების ცნობით, ჩიხლაძე ინფორმაციის გადაცემის პროცესში დაშიფვრის სხვადასხვა მეთოდებს იყენებდა.
ჯაშუშობის ბრალდებით ორივე მოქალაქე, სუს-ის კონტრდაზვერვის დეპარტამენტის თანამშრომლებმა დააკავეს.
იმედი
წყარო: imedinews.ge