ჟორდან ბარდელა: ის, რასაც ევროკავშირი წარმოადგენს, რაზეც ის დაფუძნდა, საფუძვლიანად არამოდური და დრომოჭმულია

საფრანგეთის მემარჯვენე პარტია „ეროვნული გაერთიანების“ ლიდერი და პოტენციური პრეზიდენტობის კანდიდატი აცხადებს, რომ ევროკავშირმა დღევანდელი ფორმით, თავისი თავი ამოწურა.

ჟორდან ბარდელას თქმით, მსოფლიო ეტაპობრივად ცდილობს დაიბრუნოს ყოველივე ის, რის დაშლას და დანგრევასაც ევროკავშირი ცდილობს, კერძოდ ესენია, საზღვრები, ეროვნული ინტერესების დაცვა, ეროვნული სიამაყე და ერთა სუვერენიტეტი. ფრანგი პოლიტიკოსი და ევროპარლამენტარი განმარტავს, რომ ევროპამაც შესაბამისად უნდა შეცვალოს ფუნქციონირება.

„ის, რასაც ევროკავშირი წარმოადგენს - რაზეც ის დაფუძნდა - პოზიტიური გლობალიზაცია, აბსოლუტური საბაზრო ძალაუფლება, უკონტროლო იმიგრაცია, ეკონომიკური ვარდნა და ეკონომიკის, ბიზნესისა და ევროპული მრეწველობის ჭარბი რეგულაციები, საფუძვლიანად მოძველებულია, ყოველივე ეს საფუძვლიანად არამოდური და დრომოჭმულია“, - აღნიშნა მან.

ბარდელამ ასევე აღნიშნა, რომ გაპრეზიდენტების შემთხვევაში არც ნატოდან გასვლას გეგმავს, თუმცა ემხრობა ალიანსის ინტეგრირებული სარდლობიდან გასვლას, რომ საფრანგეთს სამხედრო თუ დიპლომატიურ საკითხებში მეტი დამოუკიდებლობისა და მანევრირების შესაძლებლობა ჰქონდეს.