კაია კალასი ირლანდიას მოუწოდებს, დააზუსტოს, ეხმარება თუ არა ირლანდიიდან რუსეთში ალუმინის ექსპორტი მოსკოვის სამხედრო წარმოებას
ევროკომისიის ვიცე-პრეზიდენტი კაია კალასი ირლანდიას მოუწოდებს, დააზუსტოს, ეხმარება თუ არა ირლანდიიდან რუსეთში ალუმინის ექსპორტი მოსკოვის სამხედრო წარმოებას, კერძოდ, იმ რაკეტებისა და დრონების შექმნას, რომელთაც უკრაინის წინააღმდეგ იყენებენ. ინფორმაციას Euronews-ი ავრცელებს.
რუსეთისთვის ალუმინის მიყიდვის საკითხი კაია კალასმა ირლანდიის საგარეო საქმეთა მინისტრთან ჰელენ მაკინტისთან დუბლინში გამართულ შეხვედრაზე განიხილა. კალასი აგრეთვე შეხვდა ირლანდიის პრემიერ-მინისტრს მიხოლ მარტინს.
საგარეო და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა განმარტა, რომ ევროპამ რუსეთისთვის სანქციებისთვის გვერდის ავლის ყველა შესაძლო გზა უნდა გადაკეტოს და არცერთი ევროპული პროდუქტი არ უნდა აღმოჩნდეს იმ იარაღში, რომლითაც უკრაინის მოქალაქეები იღუპებიან.
ირლანდიამ ამ საკითხზე გამოძიება უკვე დაიწყო.
იმედი
წყარო: imedinews.ge