კახა კალაძე: ლეგენდარულ ქართველ მომღერალს, ქართული კულტურის ნამდვილ ელჩს, ნანი ბრეგვაძეს ვულოცავ 90 წლის იუბილეს. მისი განუმეორებელი ხმა, რომელიც არაერთ თაობას აღაფრთოვანებს, უკვე ჩვენი კულტურის ნაწილია

თბილისის მერი, კახა კალაძე ნანი ბრეგვაძეს 90 წლის იუბილეს ულოცავს.

„ლეგენდარულ ქართველ მომღერალს, ქართული კულტურის ნამდვილ ელჩს, ნანი ბრეგვაძეს ვულოცავ 90 წლის იუბილეს.

მისი განუმეორებელი ხმა, რომელიც არაერთ თაობას აღაფრთოვანებს, უკვე ჩვენი კულტურის ნაწილია.

ქალბატონო ნანი, გისურვებთ ჯანმრთელობას, დღეგრძელობას და წარმატებებით სავსე კიდევ ბევრ შემოქმედებით წელს!

მადლობა იმ მდიდარი მემკვიდრეობისთვის, რომელიც აჩუქეთ ჩვენს ქვეყანას", - წერს კახა კალაძე სოციალურ ქსელში.