ხულოში ფეხბურთის ტურნირი გაიმართა, რომელიც საქართველოს დამოუკიდებლობისათვის ბრძოლაში გმირულად დაღუპული გმირების ხსოვნას მიეძღვნა

ხულოს მუნიციპალიტეტის მერიის მხარდაჭერითა და ხულოს საფეხბურთო კლუბ ხიხანის ორგანიზებით გაიმართა მინი ფეხბურთის ტურნირი, რომელიც საქართველოს დამოუკიდებლობისათვის ბრძოლაში გმირულად დაღუპული გმირების მერაბ ართმელაძის, მერაბ ჭელიძის, რუსლან მელაძის და ნადიმ ართმელაძის ხსოვნას მიეძღვნა.

ტურნირში ხულოს მუნიციპალიტეტის საჯარო სკოლების 15 გუნდი მონაწილეობდა. პირველი ადგილი დაბა ხულოს საჯარო სკოლის გუნდმა მოიპოვა, მეორე და მესამე ადგილები კი კორტოხისა და რაქვთის საჯარო სკოლის გუნდებმა გადაინაწილეს.

ტურნირის მიზანი იყო ფეხბურთის პოპულარიზაცია და ახალგაზრდებში ჯანსაღი ცხოვრების წესის დამკვიდრება.

გამარჯვებულ გუნდებს გადაეცათ თასები, მედლები, სიგელები და ფულადი ჯილდოები.