კულტურის მინისტრი ახალ მულტიფუნქციურ კულტურულ ჰაბ „BDC-ში“ ქორეოგრაფიული დადგმის - „მეხუთე სტიქია: სრულყოფის გზა“ პრემიერას დაესწრო
კულტურის მინისტრი თინათინ რუხაძე, აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძესთან და აფხაზეთის ავტონომიური რესპუბლიკის განათლებისა და კულტურის მინისტრ გიორგი ძაძამიასთან ერთად, ახალ მულტიფუნქციურ კულტურულ ჰაბ „BDC-ში“ ქორეოგრაფიული დადგმის - „მეხუთე სტიქია: სრულყოფის გზა“ პრემიერას დაესწრო.
სპექტაკლი ტრადიციული ქართული ცეკვის, თანამედროვე ქორეოგრაფიისა და ცოცხალი მუსიკის სინთეზს წარმოადგენს.
„BDC“ თანამედროვე სტანდარტების მრავალფუნქციური სივრცეა, რომელშიც გაერთიანებულია პროფესიონალური ხმის ჩამწერი, ვოკალური და საბავშვო შემოქმედებითი სტუდიები. ჰაბის მიზანია კულტურულ-საგანმანათლებლო პლატფორმის შექმნა, სადაც წარმოდგენები, გამოფენები, პრეზენტაციები და სხვადასხვა შემოქმედებითი აქტივობა გაიმართება.
„BDC-ის“ დამფუძნებელი და შემოქმედებითი ხელმძღვანელია ბაჩანა ჭანტურია.
იმედი
წყარო: imedinews.ge