ლევან ნიკოლეიშვილი: „ქართულმა ოცნებამ“ ახადა ფარდა ევროკავშირის იმ ქმედებებს, რასაც ისინი აკეთებდნენ საქართველოსთან მიმართებაში, მაგრამ ამავდროულად ჩვენ ვხედავთ თითქოს იმედის მომცემ განცხადებებს, რომ ევროკავშირი შეიძლება შეიცვალოს, 2030 წლისთვის უკვე სხვა ორგანიზაცია იყოს

„ქართულმა ოცნებამ“ ახადა ფარდა ევროკავშირის იმ ქმედებებს, რასაც ისინი აკეთებდნენ საქართველოსთან მიმართებაში, მაგრამ ამავდროულად ჩვენ ვხედავთ თითქოს იმედის მომცემ განცხადებებს, რომ ევროკავშირი შეიძლება შეიცვალოს, 2030 წლისთვის უკვე სხვა ორგანიზაცია იყოს, - განაცხადა „ერთიანი ნეიტრალური საქართველოს“ რეგიონულმა მდივანმა, ლევან ნიკოლეიშვილმა.

მისივე თქმით, ევროკავშირის გამოსწორება არის ფარსი, ტყუილი და უბრალოდ ილუზია.

„საქართველოსთვის ყველაზე მნიშვნელოვანი გზა იქნება ნეიტრალიტეტის გზა. გზა, რომელიც ქვეყანას მისცემს საშუალებას დამოუკიდებლად აწარმოოს პრაგმატული საგარეო პოლიტიკა“, - აღნიშნა ლევან ნიკოლეიშვილმა.

ევროკავშირის პოლიტიკასა და მარტა კოსის გახმოვანებულ იდეას „ერთიანი ნეიტრალური საქართველო“ ეხმიანება.

პოლიტიკური პარტიის შეფასებით, ევროპელი ბიუროკრატები, ყოველდღიურად ადასტურებენ, რომ თანამედროვე ევროკავშირი თანასწორობის პრინციპს ფორმალურადაც აღარ იცავს და ევროკავშირის სათავეში მყოფი ძალები სხვადასხვა სახელმწიფოებისგან სრულ მორჩილებას მოითხოვენ.