ლიეტუვის საგარეო საქმეთა მინისტრი აცხადებს, რომ მისი და მისი ოჯახის წევრების პერსონალური მონაცემები მოიპარეს

ლიეტუვის საგარეო საქმეთა მინისტრმა კიასტუტის ბუდრისმა განაცხადა, რომ მისი და მისი ოჯახის წევრების პირადი ინფორმაცია ქვეყნის რეესტრების ცენტრიდან მოიპარეს. ინფორმაციას ლიეტუვური მედია ავრცელებს.

ჟურნალისტებმა ლიეტუვის პირველ დიპლომატს ჰკითხეს, დაზარალდა, თუ არა ის რეესტრების ცენტრიდან ინფორმაციის გაჟონვის გამო.

„დიახ, მეც და ჩემი ოჯახის წევრებიც დავზარალდით“, - განაცხადა მან.

ბურდისის განცხადებით, ის შეშფოთებულია, რომ ვიღაც ქვეყნის წინააღმდეგ დიდი მოცულობის პერსონალური მონაცემების გამოყენებით არის დაინტერესებული.

„უწყებების შეფასებით, აღნიშნული მონაცემები მოიპარეს და ახლა ის მტრული სუბიექტების ხელშია“, - დასძინა ბუდრისმა.

ცნობისთვის, გასულ კვირას გავრცელდა ინფორმაცია, რომ ლიეტუვის რეესტრიდან 600 ათასი ჩანაწერი მოიპარეს.