მაია ბითაძე: პარტიული ტელევიზიები ცდილობდნენ მეუფე შიოსთვის და ახლა უკვე პატრიარქისთვის შეექმნათ იმიჯი და რუსულ ძალებთან გაეიგივებინათ. სამარცხვინოა, არ შეიძლება ყველაფერს, რაც არ მოგწონს რუსული ეძახო, ვიხილეთ გაავებული კამპანია

პარტიული ტელევიზიები დღე და ღამე ცდილობდნენ მეუფე შიოსთვის და ახლა უკვე პატრიარქისთვის წინასწარ შეექმნათ იმიჯი და რუსულ ძალებთან გაეიგივებინათ. ძალიან სამარცხვინოა. არ შეიძლება ყველაფერი, რაც არ მოგწონს რუსულთან გააიგივო. ჩვენ ვიხილეთ გაავებული კამპანია. სამარცხვინო მესიჯები ისმოდა, - განაცხადა „დღის ქრონიკასთან“ პარლამენტის გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ.

მისი თქმით, რადიკალური ოპოზიცია ცდილობდა ისე წარმოეჩინა თითქოს მმართველი ძალა ცდილობდა პატრიარქის არჩევნებში ჩარევას.

მაია ბითაძის განცხადებით, საზოგადოებამ თავად ნახა, რამდენად დამოუკიდებელი იყო პროცესი.

„რამდენიმე წელია აქტიურად მიმდინარეობს ქართული მართლმადიდებელი ეკლესიის დისკრედიტაციის ძალიან სამარცხვინო კამპანია, რაშიც უცხოელი პოლიტიკოსებიც კი იყვნენ ჩართულები და მათი აზრით საქართველოს მოსახლეობას უნდა გასჩენოდა აზრი იმის თაობაზე, რომ მართლმადიდებელი ეკლესია „შავბნელი ფორმატი“ არის ადამიანებზე ზემოქმედების. გაგახსენებთ მიხაილ როთს, რომელიც პირდაპირ აძაგებდა ქართულ მართლმადიდებელ ეკლესიას.

პარტიული ტელევიზიები დღე და ღამე ცდილობდნენ მეუფე შიოსთვის და ახლა უკვე პატრიარქისთვის წინასწარ შეექმნათ იმიჯი და რუსულ ძალებთან გაეიგივებინათ. ძალიან სამარცხვინოა. არ შეიძლება ყველაფერი, რაც არ მოგწონს რუსულთან გააიგივო. ჩვენ ვიხილეთ გაავებული კამპანია. სამარცხვინო მესიჯები ისმოდა.

ვიხილეთ გაავებული კამპანია თუნდაც გუშინ მათ ტელევიზიებში, სადაც სამარცხვინო მესიჯები ისმოდა, როგორც ახლა უკვე პატრიარქის მიმართ, ისევე, იყო მცდელობა მართლმადიდებელი ეკლესიისთვის ზიანი მიეყენებინათ.

ბედნიერი ვარ იმით, რომ საქართველოს მოსახლეობამ ამ მავნე რიტორიკას პასუხი გასცა და თვალნათლივ აჩვენა მთელს მსოფლიოს მისი დამოკიდებულება მართლმადიდებელი ეკლესიის მიმართ მაშინ, როდესაც ჩვენ ვაცილებდით ილია მეორეს. მთელმა მსოფლიომ იხილა, როგორი კონსოლიდაცია შეუძლია ერს, რომლის დაქსაქსვას ძალიან ცუდად ცდილობდნენ, როგორც გარე ძალები, ასევე, რადიკალური ოპოზიცია, რომელიც საკუთარი თავის დემოკრატიის შუქურად გასაღებას ცდილობს“, - განაცხადა მაია ბითაძემ.