მაკა ბოჭორიშვილი: ძალიან მიჭირს წარმოვიდგინო თურქეთი ევროკავშირის წევრ ქვეყნად რაიმე უფლების გარეშე, ან შეზღუდული უფლებებით. არამხოლოდ თურქეთი, ძნელად წარმომიდგენია დასავლეთ ბალკანეთის ბევრი ქვეყანაც
ძალიან მიჭირს წარმოვიდგინო თურქეთი ევროკავშირის წევრ ქვეყნად რაიმე უფლების გარეშე, ან შეზღუდული უფლებებით, - განაცხადა გადაცემაში „იმედი LIVE“ საქართველოს ვიცე-პრემიერმა, საგარეო საქმეთა მინისტრმა, მაკა ბოჭორიშვილმა.
მინისტრის თქმით, არამხოლოდ თურქეთი, ძნელად წარმოსადგენია დასავლეთ ბალკანეთის ბევრი ქვეყანაც.
„საქართველოსთან საერთოდ საუბარიც არ დაუწყია არავის. თქვენ იცით, რომ დაანონსდა უკრაინის და მოლდოვის მოლაპარაკებების გახსნა, პირველი კლასტერების. საქართველოსთან ჯერ მაგ ეტაპამდე არ მივსულვართ, რომ საუბარი დაიწყონ, ზოგადად გაფართოების საკითხზე. იმ ქვეყნებს რომ შევხედოთ ვისთანაც წლებია უკვე და ათწლეულებია მოლაპარაკებების პროცესი მიდის. ჩემთვის ძალიან რთული წარმოსადგენია გაფართოების პოლიტიკის ნამდვილობა და სერიოზულობა, თუნდაც თურქეთის კანდიდატობა და ამ პოლიტიკის ნაწილად წარმოდგენა იმ პირობებში, ძალიან მიჭირს წარმოვიდგინო თურქეთი ევროკავშირის წევრ ქვეყნად რაიმე უფლების გარეშე, ან შეზღუდული უფლებებით. არამხოლოდ თურქეთი, ძნელად წარმომიდგენია დასავლეთ ბალკანეთის ბევრი ქვეყანაც. მოლდოვაზე ცოტა გამიჭირდება თავის დადება მაშინ, როდესაც მოლდოვა მზად არის რომ განიხილოს სხვა ქვეყნის შემადგენლობაში მისი მომავალი. რთულია იქ ისაუბრო სუვერენული უფლებების სიმტკიცეზე და ამ სურვილზე მის ხელისუფლებაში“, - აღნიშნა საგარეო საქმეთა მინისტრმა.
ევროკომისარმა გაფართოების საკითხებში მარტა კოსმა დაადასტურა, რომ ევროკავშირის ახალ წევრებს ვეტოს უფლება შეეზღუდებათ
იმედი
წყარო: imedinews.ge