მარიამ ქვრივიშვილი: „ლენდლორდის“ მოდელით ძალიან წარმატებული პორტები ოპერირებენ: ბელგიაში, სინგაპურში, ამერიკის შეერთებულ შტატებში, გერმანიაში, ნიდერლანდებში, საფრანგეთში და ა.შ. საქართველო ხდება ამ ჩამონათვალიდან ერთ-ერთი, 2029 წლიდან, როდესაც ჩვენ მივიღებთ პირველ გემს ანაკლიის ღრმაწყლოვან პორტში
„ლენდლორდის“ მოდელი არის საერთაშორისოდ აპრობირებული“ - განაცხადა ეკონომიკისა და მდგრადი განვითარების მინისტრმა. მინისტრის თქმით, საზღვაო სექტორში ის ითვლება ყველაზე წარმატებულ და ყველაზე აპრობირებულ მოდელად.
„შემიძლია მაგალითები ჩამოგითვალოთ, სად ოპერირებენ ძალიან წარმატებული პორტები „ლენდლორდის“ მოდელით: ეს გახლავთ ბელგია, სინგაპური, ამერიკის შეერთებული შტატები, გერმანია, ნიდერლანდები, საფრანგეთი და ასე შემდეგ. საქართველო ხდება ამ ჩამონათვალიდან ერთ-ერთი, 2029 წლიდან, როდესაც ჩვენ მივიღებთ პირველ გემს ანაკლიის ღრმაწყლოვან პორტში.
„ლენდლორდის“ მოდელი თავისი შინაარსით გულისხმობს იმას და ჩვენი გადაწყვეტილება ეფუძნება სწორედ ამ მოდელს, რომ 100% პორტის მფლობელი იქნება სახელმწიფო, ხოლო ტერმინალები, რომლებიც შეიქმნება პორტში, რომელიც იქნება მშრალი ტვირთებისთვის, ისევე როგორც საკონტეინერო ტვირთისთვის, გადაეცემა იჯარით ჩვენს საერთაშორისო პარტნიორებს“, - აღნიშნა მარიამ ქვრივიშვილმა.
იმედი
წყარო: imedinews.ge