მარკო რუბიო: ჩინეთს აქვს გეგმა, მათ სჯერათ რომ მსოფლიოს უძლიერესი სახელმწიფო იქნებიან. ჩინეთის შეკავებას არ ვცდილობთ, მაგრამ ჩვენს ხარჯზე ვერ აღზევდებიან
აშშ-ის სახელმწიფო მდივანმა, მარკო რუბიომ Fox News-თან ინტერვიუში განაცხადა, რომ ჩინეთს აქვს გეგმა, პეკინს სჯერა, რომ მსოფლიოს უძლიერესი სახელმწიფო იქნება.
„ჩინეთს აქვს გეგმა. მათ სჯერათ რომ მსოფლიოს უძლიერესი სახელმწიფო იქნებიან, გაასწრებენ შეერთებულ შტატებს. მათ აქვთ გეგმა, თუ როგორ მიაღწიონ ამას და ისინი ამას გააკეთებენ. მე მათ ამაში არ ვადანაშაულებ. მე რომ ვყოფილიყავი ჩინეთის მმართველი, იგივე გეგმა მექნებოდა“, - განაცხადა რუბიომ.
ამერიკის პირველმა დიპლომატმა აგრეთვე დასძინა, რომ ვაშინგტონი პეკინის შეკავებას არ ცდილობს, თუმცა აშშ არ დაუშვებს, რომ ჩინეთის აღზევება მის ხარჯზე მოხდეს.
„ჩინეთის შეკავებას არ ვცდილობთ, მაგრამ ისინი ჩვენს ხარჯზე ვერ აღზევდებიან. შესაბამისად, აქ ჩვენ სხვადასხვა პოზიციებზე ვართ. თუმცა ჩემი აზრი ჩინეთის მთავრობაზე შემდეგნაირია: ისინი საკუთარ თავში ძალიან არიან დარწმუნებულნი, მათ აქვთ გეგმა და მის რეალიზაციას ცდილობენ. ეს კარგია, ეროვნული სახელმწიფოს გადმოსახედიდან , ეს ჩემთვის გასაგებია. მაგრამ, როცა ეს გეგმა შეერთებული შტატების ეროვნულ ინტერესებს ეწინააღმდეგება, უნდა გავაკეთოთ ის, რაც შეერთებული შტატებისთვის არის სწორი“, - თქვა რუბიომ.
იმედი
წყარო: imedinews.ge