მარკო რუბიო: რატომ ფიქრობს ვინმე, მათ შორის რომის პაპიც, რომ ირანისთვის ბირთვული იარაღის ოდესმე ქონა კარგი იდეაა?

აშშ-ის პრეზიდენტის, დონალდ ტრამპისა და რომის პაპის ლეო მე-XIV დაპირისპირებას, შეერთებული შტატების სახელმწიფო მდივანი, მარკო რუბიო ვატიკანში ვიზიტის წინ ეხმიანება.

რუბიომ თქვა, რომ მისთვისაც გაუგებარია, რატომ შეიძლება ვინმეს სწორად მიაჩნდეს ირანის მიერ ბირთვული იარაღის ფლობა.

ცნობისთვის, რუბიო რომის პაპს ხვალ რომში ოფიციალური ვიზიტის ფარგლებში შეხვდება.

„პრეზიდენტმა განაცხადა, რომ ირანს არ შეიძლება ჰქონდეს ბირთვული იარაღი, რადგან ისინი მას გამოიყენებდნენ იმ ადგილების წინააღმდეგ, სადაც კათოლიკეები, ქრისტიანები და სხვები ცხოვრობენ. პრეზიდენტის ნაცვლად არ ვსაუბრობ, თუმცა ვფიქრობ, მას არ ესმის, რატომ ფიქრობს ვინმე, მათ შორის პაპიც, რომ ირანისთვის ბირთვული იარაღის ოდესმე ქონა კარგი იდეაა. ჩემთვისაც გაუგებარია, რატომ შეიძლება ვინმეს ეს სწორად მიაჩნდეს. შეხედეთ, რას აკეთებს ირანი ახლა სრუტეებთან დაკავშირებით. რას ფიქრობთ? რას გააკეთებდნენ, ბირთვული იარაღი რომ ჰქონდეთ? ისინი მთელ მსოფლიოს ამ იარაღით მძევლად აიყვანდნენ. ვფიქრობ, პრეზიდენტის მთავარი სათქმელი ის არის, რომ გაუგებარია, როგორ შეიძლება ვინმემ ვერ აღიქვას ეს მიუღებელ რისკად“, - თქვა რუბიომ.