მედია: გერმანიის პროკურატურამ უკრაინის მოქალაქეს “ჩრდილოეთ ნაკადების“ აფეთქების საქმეზე ოფიციალურად ბრალი წაუყენა
გერმანიის გენერალურმა პროკურორმა იენს რომელმა უკრაინელ ვეტერანს სერგეი კუზნეცოვს „ჩრდილოეთ ნაკადი - 1“-ის და „ჩრდილოეთ ნაკადი - 2“-ის აფეთქების საქმეზე ოფიციალურად ბრალი წაუყენა. ინფორმაციას გერმანული მედია ავრცელებს.
ამჟამად კუზნეცოვი დაკავებულია. მას ბრალად სამოქალაქო ენერგეტიკულ ინფრასტრუქტურაზე თავდასხმის განხორციელება ედება, რაც საერთაშორისო სამართლით არის სამხედრო დანაშაული.
გამოძიება ვარაუდობს, რომ კუზნეცოვი დივერსანტთა ჯგუფს ხელმძღვანელობდა, რომლებმაც ნაკადები ააფეთქეს.
გერმანული მედიის ცნობით, როცა კუზნეცოვი იტალიაში დააკავეს და დროებითი მოთავსების იზოლატორში შეასახლეს, მან თავის ნათესავებს დაურეკა და განხორციელებულ აფეთქებებზე ესაუბრებოდა. შესაბამისად, მან საკუთარი თავის წინააღმდეგ ჩვენება მისცა.
გარდა ამისა, როგორც მედია წერს, კუზნეცოვის ტელეფონში გამომძიებლებმა აღმოაჩინეს მტკიცებულებები, რომლებიც დანაშაულში მის მონაწილეობაზე მიუთითებენ.
იმედი
წყარო: imedinews.ge