მედია: რუმინეთის კონსტანცას პორტში საზღვაო დრონი აფეთქდა
იმედი|imedinews.ge
რუმინეთის ქალაქ კონსტანცას პორტში საზღვაო დრონი აფეთქდა, რის გამოც განგაში გამოცხადდა. ინფორმაციას რუმინული მედია ავრცელებს.
მედიის ცნობით, ქვეყნის ხელისუფლებამ საგანგებო რეაგირების ე.წ. წითელი გეგმა აამოქმედა. არსებული ინფორმაციით, დაშავებულები არ არიან.
წინასწარი მონაცემებით, საუბარია უკრაინულ საზღვაო დრონზე. აფეთქება კონტროლირებადი არ ყოფილა. ჯერჯერობით უცნობია, როგორ აღმოჩნდა დრონი კონსტანცას პორტის ტერიტორიაზე.
ინციდენტის შესახებ ინფორმირებულია რუმინეთის პრეზიდენტი ნიკუშორ დანი.
მედიის ცნობით, შემთხვევის ადგილზე სამართალდამცველები მუშაობენ და საგამოძიებო მოქმედებებს ატარებენ.
გაზიარება:
იმედი
წყარო: imedinews.ge