მედია: რუსეთი უკრაინის დასავლეთ ნაწილს მასირებულად ბომბავს - არიან დაღუპულები

რუსეთი უკრაინის დასავლეთ რეგიონებს უპილოტო საფრენი აპარატებით მასირებულად ბომბავს. ინფორმაციას უკრაინული მედია ავრცელებს.

მედიის თანახმად, დაიბომბა რივნეს ოლქი. ერთ-ერთი უპილოტო საფრენი აპარატი საცხოვრებელ სახლს მოხვდა. თავდაპირველად საუბარი იყო ორ დაღუპულსა და ოთხ დაჭრილზე, ხოლო მოგვიანებით კიდევ ერთი პირის სიკვდილი დადასტურდა.

მასირებული თავდასხმის სამიზნე გახდა ქალაქი ლუცკიც. ქალაქის ცენტრში რამდენიმე აფეთქების ხმა გაისმა. ინფორმაცია დაშავებულთა შესახებ მოწმდება.

უპილოტო საფრენი აპარატები ქალაქ კოველის მიმართულებითაც მიფრინავენ. დრონების დარტყმის ქვეშ მოექცნენ კარპატის, ჩერნოვიცის, ლვოვის, ტერნოპოლის და ივანო-ფრანკოვის ოლქები. დრონი ჩამოვარდა საკურორტო ქალაქ ბუკოველშიც.

ქალაქ უჟგოროდის საკრებულოს დეპუტატის, ვიტალი გლაგოლის ინფორმაციით, ერთ-ერთმა უპილოტო საფრენმა აპარატმა ენერგეტიკული ინფრასტრუქტურის ობიექტი დააზიანა.

რუსულ დაბომბვას ვერ გადაურჩა ვინიცის ოლქიც. ხმელნიცკის ოლქში კი დაბომბვის შედეგად დაშავდა სამი ადამიანი.