მედვედევი: ევროკავშირმა განაცხადა, რომ კიევში თავის დიპლომატიურ წარმომადგენლობას უცვლელად შეინარჩუნებს. როგორც ჩანს, მათ დიპლომატები ზედმეტი რაოდენობით ჰყავთ და მათი რაოდენობის შემცირება სურთ
დმიტრი მედვედევმა მუქარის შემცველი მორიგი განცხადება გააკეთა. შესაბამისი პოსტი რუსეთის უშიშროების საბჭოს თავმჯდომარის მოადგილემ სოციალურ ქსელში გაავრცელა.
„ევროკავშირმა განაცხადა, რომ, რუსეთის გაფრთხილებების მიუხედავად, კიევში თავის დიპლომატიურ წარმომადგენლობას უცვლელად შეინარჩუნებს. როგორც ჩანს, მათ დიპლომატები ზედმეტი რაოდენობით ჰყავთ და მათი რაოდენობის შემცირება სურთ“, - წერს მედვედევი.
რუსეთის საგარეო საქმეთა სამინისტრომ 25 მაისს განცხადება გაავრცელა, რომლითაც კიევში „გადაწყვეტილების მიღების ცენტრებზე“ დარტყმები დააანონსა და უცხო ქვეყნის მოქალაქეებს, მათ შორის დიპლომატიური მისიებისა და საერთაშორისო ორგანიზაციების წარმომადგენლობების პერსონალს კიევის დატოვებისკენ მოუწოდა. პასუხად, უკრაინაში ევროკავშირის ელჩმა კატარინა მატერნოვამ განაცხადა, რომ ევროპელი დიპლომატები კიევის დატოვებას არ აპირებენ.
იმედი
წყარო: imedinews.ge