მეფისქალაქის საჯარო სკოლისთვის ეკატერინე გაბაშვილის სახელის მინიჭებასთან დაკავშირებით საზეიმო ღონისძიება გაიმართა
დეპუტატები და აღმასრულებელი ხელისუფლების წარმომადგენლები ეკატერინე გაბაშვილის სახელობის კასპის მუნიციპალიტეტის სოფელ მეფისქალაქის საჯარო სკოლაში იმყოფებოდნენ. სკოლისთვის ეკატერინე გაბაშვილის სახელის მინიჭებასთან დაკავშირებით გაიმართა საზეიმო ღონისძიება. გაიხსნა გაბაშვილის სახელობის კაბინეტი.
„ჩვენთვის დიდი პატივია, რომ ეკატერინე გაბაშვილის 175 წლის იუბილეს აღვნიშნავთ. ამ თარიღთან დაკავშირებით ჩვენ ძალიან საინტერესო გამოცემა გამოვეცით, ეს არის მოგონებები და წერილები, სადაც დეტალურად ნახავთ, რა პერიოდში უწევდა მას საქმიანობა“, - განაცხადა პარლამენტის ვიცე-სპიკერმა, ნინო წილოსანმა.
„დღევანდელი დღე არის მაგალითი იმისა, თუ როგორ უნდა იდგეს განათლება, კულტურა და ჩვენი ისტორიული მეხსიერება ჩვენი ქვეყნის განვითარების სადარაჯოზე. დღეს ამ კედლებში გაცოცხლდება ეკატერინე გაბაშვილი, რომელიც 17 წლის ასაკიდან განათლებას აძლევდა განსაკუთრებით შეჭირვებულ ადამიანებს“, - განაცხადა საქართველოს პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარემ მარიამ ლაშხმა.
იმედი
წყარო: imedinews.ge