მეტე ფრედერიქსენი: დარწმუნებული ვარ, რომ რუსეთიდან აგრესიის ახალი ტალღა გველოდება

რუსეთი ევროპული ქვეყნების წინააღმდეგ აგრესიის ახალი ტალღისთვის ემზადება, - განაცხადა დანიის პრემიერ-მინისტრმა . მეტე ფრედერიქსენის თქმით, უკრაინის წინააღმდეგ დაწყებული ომი მხოლოდ უკრაინას არ ეხება და რუსეთის ქმედებები მთელი ევროპის უსაფრთხოებისთვის წარმოადგენს გამოწვევას.

„სამწუხაროდ, ასეთი სცენარი შესაძლებელია. ვერ ვიწინასწარმეტყველებ, ზუსტად როგორ და სად შეიძლება გამწვავდეს ვითარება. ასევე, არ ვიცი, კონკრეტულად რის წინაშე დავდგებით, მაგრამ დარწმუნებული ვარ, რომ რუსეთიდან აგრესიის ახალი ტალღა გველოდება. ვფიქრობ, რუსეთის მიერ უკრაინაში დაწყებული ომი მხოლოდ უკრაინას არ ეხება. აქედან მხოლოდ ერთი დასკვნა შეიძლება გამოვიტანოთ - უკრაინას ყველა შესაძლო საშუალებით და ნებისმიერ ფასად უნდა დავუჭიროთ მხარი“, - განაცხადა დანიის პრემიერმა.