მთაწმინდის პარკში ბავშვთა დაცვის დღე აღინიშნება

მთაწმინდის პარკი ბავშვთა დაცვის დღეებს აღნიშნავს. ტრადიციულად, ყველაზე საბავშვო, გასართობი მხიარული ღონისძიებები პარკის ცენტრალურ მოედანზე გაიმართება.

დღეს და ხვალ - 1 ივნისს 12:00-დან 22:00 საათამდე სტუმრებს დახვდებათ კონცერტები, ანიმატორების წარმოდგენები, დრამერებისა და ილუზიონისტის შოუ, სახალისო თამაშები, პარტნიორი კომპანიების მიერ მოწყობილი სპეციალური სივრცეები, კულტურული და შემეცნებითი პროგრამები.

საბაგიროს ზედა სადგურზე კი მეწარმეების ნამუშევრების გამოფენა-გაყიდვა იმართება.