ნატომ უკრაინის პრეზიდენტი ანკარაში დაგეგმილ ლიდერთა სამიტზე ოფიციალურად მიიწვია

ნატომ უკრაინის პრეზიდენტი, ვოლოდიმირ ზელენსკი ანკარაში დაგეგმილ ლიდერთა სამიტზე ოფიციალურად მიიწვია, - განაცხადა პარასკევს ალიანსის ხელმძღვანელმა, მარკ რუტემ.

„მე ის უკვე მივიწვიე, დიახ, ასეა - ის იქ იქნება“, - განაცხადა რუტემ POLITICO-ს კითხვის საპასუხოდ, რომელიც მას სამხრეთ ქალაქ ჰელსინგბორგში, ნატო-ს საგარეო საქმეთა მინისტრების შეხვედრის დროს დაუსვეს.

ნატო სამიტს ანკარაში 7-8 ივლისს გამართავს, რომელიც, სავარაუდოდ, მოიცავს ლიდერების ოფიციალურ შეხვედრასა და პარალელურ ინდუსტრიულ ფორუმს, რომელშიც ნატოს არაწევრი ქვეყნებიც მიიღებენ მონაწილეობას.