ნატოს პრესსპიკერი აშშ-ის გადაწყვეტილებაზე გერმანიიდან 5 ათასი ჯარისკაცის გაყვანის შესახებ: აღნიშნული ქმედება ხაზს უსვამს აუცილებლობას, რომ ევროპამ თავად გააგრძელოს მეტი ინვესტირება თავდაცვაში

ნატოს პრესსპიკერი, ელისონ ჰართი სოციალურ ქსელ X-ში აშშ-ის ხელისუფლების გადაწყვეტილებას გერმანიიდან 5 ათასი ამერიკელი ჯარისკაცის გაყვანის შესახებ გამოეხმაურა და აღნიშნა, რომ ვაშინგტონის ქმედება ხაზს უსვამს აუცილებლობას, რომ ევროპამ თავად უნდა გააგრძელოს მეტი ინვესტირება თავდაცვაში და საერთო უსაფრთხოებაზე პასუხისმგებლობა საკუთარ თავზე აიღოს.

„ვმუშაობთ აშშ-თან, რათა გავერკვეთ გერმანიაში ძალების განლაგებაში შეტანილი კორექტივების დეტალებში. აღნიშნული ქმედება ხაზს უსვამს აუცილებლობას, რომ ევროპამ თავად უნდა გააგრძელოს მეტი ინვესტირება თავდაცვაში და ჩვენს საერთო უსაფრთხოებაზე პასუხისმგებლობა საკუთარ თავზე აიღოს. ამ მიმართულებით ჩვენ პროგრესს უკვე ვხედავთ მას შემდეგ, რაც მოკავშირეებმა გასულ წელს ჰააგაში გამართულ ნატოს სამიტზე მშპ-ის 5%-ის ინვესტირების შესახებ მიიღეს გადაწყვეტილება. ჩვენ კვლავ დარწმუნებულები ვართ საკუთარ შესაძლებლობაში უზრუნველყოთ ჩვენი თავდაცვა და შეკავება, ძლიერი ნატოს ფარგლებში, ძლიერი ევროპის ჩამოყალიბების პროცესში“, - დაწერა მან.

We are working with the U.S. to understand the details of their decision on force posture in Germany. This adjustment underscores the need for Europe to continue to invest more in defence and take on a greater share of the responsibility for our shared security - where we’re… — NATO Spokesperson (@NATOpress) May 2, 2026