NBC News: ირანმა აპრილში აშშ-ის თვითმფრინავი F-15, სავარაუდოდ, ჩინური საზენიტო გადასატანი კომპლექსის მეშვეობით ჩამოაგდო

ირანის შეიარაღებულმა ძალებმა F-15 ტიპის ამერიკული გამანადგურებელი აპრილში, სავარაუდოდ, ჩინური წარმოების საზენიტო გადასატანი კომპლექსის მეშვეობით ჩამოაგდო. ინფორმაციას NBC News-ი ავრცელებს.

როგორც ტელეარხს რამდენიმე წყარომ განუცხადა, სამხედრო კონფლიქტის პირველ დღეებში ჩინეთმა ირანს შორი მანძილზე მოქმედი რადიოლოკაციური სადგური გადასცა, რომელსაც „უხილავი“ თვითმფრინავების ადრეული აღმოჩენა შეუძლია.

„ეს ათწლეულების განმავლობაში პირველი შემთხვევაა, როცა ამერიკული გამანადგურებელი მოწინააღმდეგის ცეცხლით ჩამოაგდეს“, - წერს ტელეარხი.

NBC News-ი აღნიშნავს, რომ თვითმფრინავის ჩამოგდების შემდეგ აშშ-ის პრეზიდენტმა დონალდ ტრამპმა განაცხადა, რომ, სავარაუდოდ, ის გადასატანი რაკეტით დააზიანეს.

ჩინური რაკეტების სიგრძე დაახლოებით 2 მეტრია, ხოლო წონა - 18 კილოგრამი. ეს საკმაოდ იაფი და ეფექტური სისტემაა, რომელიც დაბალ სიმაღლეზე მფრინავი ობიექტების ჩამოგდებისთვის გამოიყენება, წერს ტელეარხი.