ნეთანიაჰუ: მაშინ, როდესაც ისრაელი და აშშ „ევროპის ნაცვლად ასრულებენ შავ სამუშაოს“, ევროკავშირმა გამოავლინა საკუთარი მორალური გაკოტრება

მაშინ, როდესაც ისრაელი და აშშ „ევროპის ნაცვლად ასრულებენ შავ სამუშაოს“ და ცივილიზაციის დასაცავად ებრძვიან ირანსა და სხვაგან მყოფ ჯიჰადისტ შეშლილებს, ევროკავშირმა გამოავლინა საკუთარი მორალური გაკოტრება ისრაელის მოქალაქეებსა და „ჰამასის“ ტერორისტებს შორის ყალბი სიმეტრიის გავლებით, - განაცხადა ისრაელის პრემიერ-მინისტრმა, ბენიამინ ნეთანიაჰუმ.

„ევროპელი პოლიტიკოსები იძულებულნი არიან ანგარიში გაუწიონ თავიანთ რადიკალურ ამომრჩევლებს, თუმცა ებრაელების სანქცირება იუდეასა და სამარიაში ცხოვრების გამო მიუღებელია.

იუდეა არის ადგილი, საიდანაც ებრაელები წარმოიშვნენ და ისრაელი ყოველთვის დაიცავს ებრაელთა უფლებას, იცხოვრონ ჩვენი წინაპრების სამშობლოს გულში.

ევროკავშირის მცდელობები, დააწესოს სანქციები ისრაელელი სამოქალაქო პირების წინააღმდეგ, სისუსტის კიდევ ერთი ნიშანია და ის წარმატებას ვერ მიაღწევს“, - დასძინა ნეთანიაჰუმ.