ნიკოლას მადუროს ყოფილი მინისტრი ალექს სააბი ვენესუელიდან აშშ-შია ექსტრადირებული

ვენესუელამ აშშ-ში მადუროს თანამებრძოლის დეპორტაცია განახორციელა. მრეწველობისა და წარმოების ყოფილი მინისტრის, ალექს სააბის ექსტრადიცია, რომელიც კოლუმბიის მოქალაქეა და ამავდროულად ვენესუელურ პასპორტსაც ფლობს.

ვენესუელის მიგრაციის სამსახურის ცნობით, ეს 16 მაისს მოხდა. აღსანიშნავია, რომ ვენესუელის კონსტიტუცია საკუთარი მოქალაქეების გაცემას კრძალავს.

„დეპორტაციის შესახებ გადაწყვეტილება მიღებულ იყო იმის გათვალისწინებით, რომ კოლუმბიის აღნიშნული მოქალაქე მონაწილეობდა ამერიკის შეერთებულ შტატებში ჩადენილ სხვადასხვა დანაშაულში, რაც საყოველთაოდ ცნობილი და ფართოდ განხილვადი ფაქტია“, - აღნიშნულია მიგრაციის სამსახურის განცხადებაში.

ალექს ნაიმ სააბ მორანი ვენესუელის ყოფილი მმართველის, ნიკოლას მადუროს ახლო თანამებრძოლია. თავად მადურო 3 იანვარს ჩატარებული ოპერაციის შედეგად შეიპყრეს და აშშ-ში გადაიყვანეს. სააბს ბრალად ედება მადუროსა და მისი მთავრობისთვის ფულის გათეთრება, რის სანაცვლოდ, მადურომ მას მოქალაქეობა და დიპლომატიური პასპორტი მიანიჭა.

ამერიკელი სამხედროების მიერ ნიკოლას მადუროს შეპყრობის შემდეგ, პრეზიდენტის მოვალეობის შემსრულებლის, დელსი როდრიგესის ხელმძღვანელობით შექმნილმა ახალმა ადმინისტრაციამ სააბი თანამდებობიდან გადააყენა.