ნინო წილოსანი ევროკავშირის გაფართოებაზე: ის, რომ ვეტოს უფლება არ ჰქონდეს ახლად მიღებულ წევრს, ეს ნიშნავს, რომ უპირობოდ უნდა გაყვეს ყველა იმ გადაწყვეტილებას, რომელსაც არსებული და პრიორიტეტული წევრი სახელმწიფოები მიიღებენ

საქართველოს პარლამენტის თავმჯდომარის მოადგილე ნინო წილოსანმა „დღის ქრონიკაში“ ევროკავშირის გაფართოებაზე ისაუბრა და აღნიშნა, რომ ევროკავშირში გაფართოების პერსპექტივა რეალურად არ მიაჩნიათ.

„ეს დისკუსიები გაფართოების შესახებ არ არის, რადგან ევროკავშირის გაფართოებას არავინ გეგმავს. თავად მარტა კოსმა თავის ბოლო ინტერვიუში განაცხადა, რომ ევროკავშირმა გაფართოების შესახებ ფიქრი დაიწყო მხოლოდ მაშინ, როდესაც უკრაინაში ომი დაიწყო და ჩათვალეს, რომ გაფართოებაზე საუბრები იქნებოდა უკრაინელებისთვის გამამხნევებელი და წამახალისებელი. ბევრი საუბრობს ამ თემაზე, უფრო მეტად ფაქტს ასაჯაროებენ.

დღემდე ყველა ეტაპზე ვხედავთ მოცემულობას, რომ გაფართოებაზე საუბარი მათი მხრიდან რეალური არასდროს ყოფილა. საუბარიც რომ იყოს ევროკავშირის გაფართოებაზე, ვხედავთ რამდენად შეურაცხმყოფელი პირობებით შეიძლება იყოს ეს.

სრულებით არარაციონალურია, გახდე ევროკავშირის წევრი და გქონდეს ყველანაირი ვალდებულება, მაგრამ გქონდეს არანაირი უფლება. ზუსტად არანაირ უფლებას უკავშირდება ის, რომ ვეტოს უფლება შეიძლება ჩამოერთვას ახალ წევრ სახელმწიფოებს და ის, რომ ვეტოს უფლება არ ჰქონდეს ახლად მიღებულ წევრს, ეს ნიშნავს, რომ უპირობოდ უნდა გაყვეს ყველა იმ გადაწყვეტილებას, რომელსაც არსებული და პრიორიტეტული წევრი სახელმწიფოები მიიღებენ“, - აღნიშნა ნინი წილოსანმა.