ნინო წილოსანი ოპოზიციის აქციაზე: ეს იყო ნაცნობი სცენარი, გარედან მიღებული მითითებები, სააკაშვილის პოსტერები, ხმამაღალი განცხადებები, იმ სრულიად სახე დაკარგული და დისკრედიტებული რადიკალებისგან, რომლებიც სამწუხაროდ ჯერ კიდევ არსებობენ პოლიტიკურ ველზე
ეს იყო ნაცნობი სცენარი, გარედან მიღებული მითითებები, სააკაშვილის პოსტერები, ხმამაღალი განცხადებები იმ სრულიად სახე დაკარგული და დისკრედიტებული პოლიტიკოსებისგან, რადიკალებისგან, რომლებიც სამწუხაროდ ჯერ კიდევ არსებობენ პოლიტიკურ ველზე, - ასე შეაფასა პარლამენტის თავმჯდომარის მოადგილე ნინო წილოსანმა ოპოზიციის მიერ გუშინ გამართული აქცია.
მისივე თქმით, ის ქმედებები, რომელსაც რადიკალი პოლიტიკოსები ეწევიან არის მავნებლობა.
„გუშინდელ დღესაც შეეცადნენ, რომ საზოგადოების პატარა ნაწილი მაინც მოეგლიჯათ იმ საერთო სულისკვეთებისგან, რომელიც 26 მაისს ყველას უნდა გვაერთიანებდეს“, - აღნიშნა ნინო წილოსანმა.
ოპოზიციამ იგორ ბლაჟევიჩის გეგმა ზედმიწევნით შეასრულა. გახმოვანდა ყველა ის მესიჯბოქსი, რომელიც მანამდე „პრაიმტაიმმა“ მოიპოვა და დაწერა. განსაკუთრებული მობილიზაციის შემდეგ შეკრებილ ხალხს ოპოზიციამ სამოქმედო გეგმად მხოლოდ თანხის შეგროვება, სოციალურ ქსელში სტატუსების დაწერა და ვიდეოების ჩაწერა შესთავაზა.
იმედი
წყარო: imedinews.ge