POLITICO: კაია კალასს თავისი დიპლომატიური სამსახურის რეფორმირება არ სურს

ევროკავშირის უმაღლესმა წარმომადგენლემა საგარეო ურთიერთბათა საკითხებში კაია კალასმა მკაცრად დაიცვა ევროკავშირის დიპლომატიური სამსახური იმ ფონზე, როდესაც გაჩნდა წინადადებები მისი რეფორმირების ან თუნდაც გაუქმების შესახებ. ინფორმაციას POLITICO ავრცლებს.

აღსანიშნავია, რომ გუშინ გამოცემა Financial Times-მა გაავრცელა ინფორმაცია იმის შესახებ, რომ საფრანგეთი და გერმანია ევროკავშირის 15-წლიანი დიპლომატიური სამსახურის რეფორმირების წინადადებებს განიხილავენ, რათა ბლოკმა გეოპოლიტიკურ კრიზისებზე უფრო ეფექტიანი რეაგირება შეძლოს. განსახილველ ვარიანტებს შორისაა ევროკავშირის უმაღლესი წარმომადგენლის საგარეო საქმეთა და უსაფრთხოების პოლიტიკის საკითხებში კაია კალასის უფლებამოსილების შემცირებაც.

ამ ამბის საპასუხოდ კალასმა ევროპის საგარეო ქმედებათა სამსახურის დაახლოებით 5 000 თანამშრომელს მიმართა და აღნიშნა, რომ უწყებამ ევროკავშირისთვის მნიშვნელოვანი დამატებითი ღირებულება შექმნა.

„მსურს ხაზი გავუსვა, რამდენად დიდი დამატებითი ღირებულება შევქმენით ევროპისათვის, როგორც ერთიანმა გუნდმა, განსაკუთრებით იმ დროს, როდესაც ევროპის კონტინენტზე სრულმასშტაბიანი ომი მიმდინარეობს“, - წერს კალასი.