პოლონელი ევროპარლამენტარი უკრაინაში მიმდინარე კორუფციულ სკანდალზე: ნუთუ პოლონეთის ფსევდოელიტა კვლავ დარწმუნებულია, რომ უკრაინა ევროკავშირსა და ნატოში უნდა მივიღოთ?

პოლონელი ევროპარლამენტარი ევა ზაიაჩკოვსკა-ჰერნიკი უკრაინაში კორუფციის მორიგ სკანდალს ეხმიანება.

როგორც ზაიაჩკოვსკა-ჰერნიკი წერს, უკრაინის პრეზიდენტის ოფისის ყოფილი ხელმძღვანელის, ანდრეი ერმაკის წინააღმდეგ ფულის გათეთრების საქმეზე წაყენებული ბრალდებები გასაკვირი არ არის.

პოლონელი ევროპარლამენტარი საკუთარი ქვეყნის ელიტას მიმართავს კითხვით, კვლავ ფიქრობენ თუ არა, რომ ამ ყველაფრის ფონზე უკრაინა ევროკავშირსა და ნატოში უნდა მიიღონ.

ევა ზაიაჩკოვსკა-ჰერნიკი დაუჯერებლად მიიჩნევს იმ ფაქტს, რომ ევროკომისია აღარ აქცევს ყურადღებას კორუფციისა და კანონის უზენაესობის პრობლემებს, როცა საქმე ეხება ბლოკში უკრაინის გაწევრებას.

„ვინმეს გაუკვირდა, რომ პრეზიდენტ ზელენსკის ოფისის ყოფილი ხელმძღვანელი ანდრეი ერმაკი ფულის გათეთრებასა და ორგანიზებულ დანაშაულებრივ დაჯგუფებაში თანამონაწილეობაშია ეჭვმიტანილი? ნუთუ პოლონეთის ფსევდოელიტა კვლავ დარწმუნებულია, რომ უკრაინა ევროკავშირსა და ნატოში უნდა მივიღოთ? რომ უსასრულოდ უნდა ვუხადოთ მას მილიარდები? ბოლო თვეების კორუფციული სკანდალები მოწმობს, თუ რამდენად გავრცელებულია უკრაინაში კორუფცია და რამდენად მაღალ დონეებს აღწევს დანაშაული. დაუჯერებელია, რომ ამ ყველაფრის მიუხედავად, ევროკომისია ყველაფერს აკეთებს იმისთვის, რომ უკრაინა ევროკავშირში შემოიყვანოს. რატომღაც კორუფცია, კანონის უზენაესობის პრობლემები და ქვეყნის მდგომარეობა ევროკრატებს აღარ ადარდებთ“, - დაწერა პოლონელმა ევროპარლამენტარმა.

Ktoś jeszcze zaskoczony❓ Andrij Jermak, były szef biura prezydenta Zełenskiego i przez lata jego najbliższy współpracownik, jest podejrzany o udział w zorganizowanej grupie przestępczej i pranie brudnych pieniędzy❗ 👉 Nasze polskie pseudoelity dalej uważają, że Ukrainę należy… pic.twitter.com/LfaHqSTgmT — Ewa Zajączkowska-Hernik (@EwaZajaczkowska) May 12, 2026