პოლონელი ევროპარლამენტარი: უკრაინის ევროკავშირში დაჩქარებული გაწევრიანების პროცესი დაუყოვნებლივ უნდა შეჩერდეს

ევროპარლამენტარმა პოლონეთიდან ევა ზაიაჩკოვსკა-ჰერნიკმა სოციალურ ქსელ X-ში დაწერა, რომ უკრაინის ევროკავშირში დაჩქარებული გაწევრიანების პროცესი დაუყოვნებლივ უნდა შეჩერდეს.

ჰერნიკის თქმით, მას არაერთხელ დაუგმია „უკრაინის მეამბოხე არმია“, რის გამოც უკრაინულმა მხარემ ის „მიროტვორეცის“ სიაში შეიყვანა.

„არ დავუშვებ, რომ შემაშინონ! ევროპარლამენტში მოვითხოვ უკრაინის ევროკავშირში დაჩქარებული გაწევრიანების პროცესის დაუყოვნებლივ შეჩერებას! უკრაინის სპეცსამსახურები მართავენ „მიროტვორეცის“ სიას, სადაც შეჰყავთ იმ ადამიანების სახელები, რომლებიც, მათი თქმით, დევნის, დაშინებისა და ლიკვიდაციის სამიზნეები არიან. დღეს ამ სიაში მეც შემიყვანეს, რადგან ვგმობდი უკრაინელი ნაციონალისტური ორგანიზაციის „უკრაინის მეამბოხე არმიის“ წევრების მიერ ჩადენილ გენოციდს და ვიცავდი პოლონეთის ეროვნულ ინტერესებს“, - დაწერა მან.

მისი თქმით, მიროტვორეცის სიაში მისი კოლეგებიც შეიყვანეს.

„მანამდე ამ სიაში ჩემი კოლეგებიც შეიყვანეს ჯგუფიდან „პატრიოტები ევროპისთვის“. ეს არის ევროპელი დიპლომატების მიმართ განგსტერული და მიუღებელი ქმედება! ველოდები ევროპარლამენტის პრეზიდენტის რეაქციას, რათა ამ ინსტიტუტის დიპლომატები დაიცვას, რადგან ახლა ჩვენი სიცოცხლე და უსაფრთხოება საფრთხის ქვეშ დგას“, - დასძინა ევროპარლამენტარმა.

Nie dam się zastraszyć❗ W Parlamencie Europejskim wnoszę o natychmiastowe zatrzymanie przyspieszonej akcesji Ukrainy do Unii Europejskiej❗ Ukraińskie służby prowadzą listę Myrotworeć, na której umieszczają nazwiska ludzi zgłoszonych do nękania, zastraszania i eliminowania.… pic.twitter.com/YFi4Ghu9J1 — Ewa Zajączkowska-Hernik (@EwaZajaczkowska) July 9, 2026