პორტუგალიის ნაკრებმა დრამატულ ბრძოლაში ხორვატია დაამარცხა და 1/8 ფინალის საგზური მოიპოვა

პორტუგალიის საფეხბურთო ეროვნულმა ნაკრებმა ხორვატიის ეროვნული გუნდი მსოფლიო ჩემპიონატის 1/32 ფინალში დაამარცხა.

მატჩი დრამატული გამოდგა. ანგარიში ხორვატებმა გახსნეს. 53-ე წუთზე თავი ივან პერიშიჩმა გამოიჩინა. თამაშის 68-ე წუთზე ხორვატების კარში თერთმეტმეტრიანი დაინიშნა, რომელიც კრიშტიანუ რონალდუმ ზუსტად შეასრულა.

შეხვედრის დამატებით დროში გონსალო რამოსმა პორტუგალიელები წინ გაიყვანა. მატჩის ბოლო წამებზე ხორვატიამ გოლის გატანა და ანგარიშის გათანაბრება შეძლო, თუმცა მთავარმა არბიტრმა თამაშგარე მდგომარეობა დააფიქსირა და გოლი გააუქმა.

პორტუგალიის საფეხბურთო ნაკრები მუნდიალზე ასპარეზობას 1/8 ფინალში გააგრძელებს. მისი მეტოქე ესპანეთის ეროვნული გუნდი იქნება.