ფრიდრიხ მერცი: ჩვენ არ ვუტეხთ სახელს ადამიანებს, რომლებიც გერმანიაში სამუშაოდ ჩამოდიან. ჩვენ მათ მივესალმებით
გერმანიის კანცლერის ფრიდრიხ მერცის განცხადებით, გერმანიის ხელისუფლება არ ცდილობს სახელი გაუტეხოს უცხოელებს, რომლებიც სამუშაოდ ჩადიან.
როგორც მერცმა „ქრისტიან-დემოკრატიული კავშირის“ შეკრებაზე განაცხადა, გერმანიის ხელისუფლება მიესალმება უცხოეთიდან ჩამოსულ მუშახელს.
„ჩვენ არ ვუტეხთ სახელს ადამიანებს, რომლებიც გერმანიაში სამუშაოდ ჩამოდიან. ჩვენ მათ მივესალმებით. გვსურს, რომ მათ აქ იმუშაონ, იცხოვრონ, ინტეგრირდნენ. ეს არის ჩვენი ხედვა - ღია, ლიბერალური, თავისუფალი ქვეყნისა და არა იზოლაცია, დისკრიმინაცია და პირადი შეურაცხყოფა“, - განაცხადა მერცმა.
ამასთან ერთად, როგორც გერმანიის კანცლერმა განაცხადა, უკანონო მიგრანტების რიცხვი გერმანიაში 2026 წელს 50%-ით შემცირდა, ხოლო წინა ორ წელთან შედარებით - 60%-ით.
„აღნიშნულ პრობლემებს შესაშურად წყნარად, მაგრამ საკმაოდ ეფექტური საშუალებით ვაგვარებთ“, - დასძინა მან.
იმედი
წყარო: imedinews.ge