პუტინის განცხადებით, უკრაინამ რუსეთის სამოქალაქო ინფრასტრუქტურაზე თავდასხმები გააძლიერა

რუსეთის პრეზიდენტის ვლადიმერ პუტინის განცხადებით, უკრაინამ რუსეთის სამოქალაქო ინფრასტრუქტურაზე თავდასხმები გააძლიერა.

აღნიშნული განცხადება პუტინმა მას შემდეგ გააკეთა, რაც ცნობილი გახდა, რომ უკრაინამ რუსეთის ქალაქ ტუაფსეში ნავთობგადამამუშავებელ ქარხანაზე დრონებით იერიში მიიტანა.

კრემლის ლიდერის თქმით, კრასნოდარის მხარის გუბერნატორი, ბენიამინ კონდრატიევი შემთხვევის ადგილას იმყოფებოდა და მისგან მიიღო ინფორმაცია, რომ ამ დროისთვის სერიოზული საფრთხე არ არსებობს.

„სამოქალაქო ინფრასტრუქტურაზე დრონების თავდასხმები სულ უფრო ხშირდება. უახლესი მაგალითია ტუაფსეში ენერგეტიკულ ობიექტებზე თავდასხმები, რამაც, შესაძლოა, სერიოზული ასახვა ჰპოვოს გარემოზე, თუმცა გუბერნატორმა მომახსენა, რომ ადგილზე იმყოფება და, როგორც ჩანს, სერიოზული საფრთხეები არ არსებობს. ხალხი ადგილზე უმკლავდება არსებულ გამოწვევებს“, - განაცხადა პუტინმა.