რატი იონათამიშვილი ზურაბ ჯაფარიძის განცხადებაზე: პრეზიდენტ ტრამპის ადმინისტრაციის მიმართ სიძულვილი ნაცების ტრადიციაა
პრეზიდენტ ტრამპის ადმინისტრაციის მიმართ სიძულვილი არის ტრადიცია ნაცების მხრიდან. ისინი ამას წლების განმავლობაში აკეთებენ, ეს პირველი შემთხვევა არ არის, - განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ რატი იონათამიშვილმა.
დეპუტატი გამოეხმაურა ზურაბ ჯაფარიძის განცხადებას, სადაც ის დონალდ ტრამპის ადმინისტრაციას ადამიანის უფლებების დაცვასა და დემოკრატიას უწუნებს.
„ხანდახან ფარისევლურად, თითქოს ხასიათს იცვლიან, მაგრამ მათი ზნე, რა თქმა უნდა, უცვლელი რჩება. ამიტომ სინამდვილეში ეს არის მთლიანად ამ რადიკალური ჯგუფების განცხადება და პოზიცია და არა მხოლოდ გირჩი ჯაფარიძის და ახლა როგორც არ უნდა იმართლონ თავი, 2-3 დღეში ჩვენ ვიხილავთ რომ იმავეს გაიმეორებენ“, - განაცხადა იონათამიშვილმა.
ზურაბ გირჩი ჯაფარიძემ განაცხადა, რომ „ამერიკის ადმინისტრაცია მაინცდამაინც დემოკრატიაზე და ადამიანის უფლებებზე ფოკუსირებული არ არის“.
იმედი
წყარო: imedinews.ge